共田芭蕉扇消暑必備　選購須知5件事

充電芭蕉扇成為大家嘅出街消暑良伴，腦場、鴨寮街、團購網都賣得火熱，當中以共田芭蕉扇最出名。不過，選購共田芭蕉扇時要非常小心，唔小心買倒假貨，隨時漏電著火爆炸。

早前有新聞，指充電小風扇因電池有問題而出現輕微爆炸。想知買共田芭蕉扇或其他充電小風扇有乜要留意？ezone.hk 提提大家以下必知 5 件事。

1. 有真有假

腦場中人指，知道出面有共田假貨，外形、貼紙基本上完全一樣，但膠料就明顯差啲，安唔安全就真係唔敢包。除咗共田之外，都有其他廠出類似嘅產品，但熱賣程度差好遠。

延伸閱讀：【攻略】10招分辨真假芭蕉扇

芭蕉扇通常賣幾十蚊已有交易，叫得芭蕉扇，款式基本上一式一樣，因為係由內地廠商共田生產產品，呢個名亦係佢地改嘅。由於風力好，又有 3 段式調校，所以近期都幾出名，仲有用戶 DIY 用膠紙去玩強化改裝添！

延伸閱讀：【攻略教學】芭蕉扇貼張膠紙更涼更省電

2. 充電池有翻新？

芭蕉扇之所以成為熱賣產品，除咗風力勁之外，可以充電亦都係主要原因。芭蕉扇用嘅係 18650 電池，即係入門尿袋、舊式 notebook 電池入面用嘅電池芯，所以就可以隨時充電。

不過，大家就要小心買倒假電池，或者係損耗太多的翻新電池，以免出現危險。之前有網上有人指，共田芭蕉扇可能用上 Samsung 製的充電池，但實情機會不大。

現時一粒真 Samsung 或 Panasonic 18650 電池要售近 $80，對一把只售 $60 的芭蕉扇，似乎不太可能吧。

3. 充電要小心

這類電池的威力絕對不容忽視，劣質的 18650 電池，以往亦有聞說導致起火、爆炸的情況。ezone.hk提提大家 ，若用戶不確定所購買的產品是否可靠，最好避免充電充過夜、一邊充電一邊使用。

部分 18650 電池的正負極也難以分辨，用戶要多加留意，若電池調轉正負極充電，風扇又未有保護的話，便可能出現安全風險。

▲ 相片來源：ezone.hk

4. 用充電座充電

部分店舖售賣 18650 電池用的充電座，用戶便可將風扇的電池獨立充電，可提供替換外，也可避免一邊充電一邊使用，相對比較安全。

5. 腦場平啲可靠啲

芭蕉扇有啲屋苑商場店舖都有得賣，但價錢就比腦場差唔多貴 1 倍，賣到成 $100 隻。而且腦場入呢類型產品，應該都會熟悉啲，誤入假貨嘅機會無咁高呢！此外，如果芭蕉扇有壞的話，有固定店舖亦可隨時更換。

原文刊於：ezone.hk